Perez paralajmëroi se të arratisurit janë “shumë të rrezikshëm”, pasi shumica e tyre apo të paktën 75 prej tyre ishin anëtarë të organizatave kriminale braziliane dhe të karteleve të drogës
Ministrja e Drejtësisë e Paraguajit, Cecilia Perez ka konfirmuar se 91 të burgosur “shumë të rrezikshëm” janë arratisur nga burgu, duke theksuar se ishte “një arratisje e planifikuar mirë”, transmeton arbresh.info.
Siç raportuan dje mediat lokale, ministrja Perez tha se të burgosurit “shumë të rrezikshëm” u arratisën nga burgu Pedro Juan Caballero përmes një tuneli.
Ajo tha se një i burgosur është kapur, por pjesa tjetër ende nuk janë gjetur.
“Është e pamundur që zyrtarët e burgut të mos e kenë parë sasinë e rërës së mbledhur nëpër qeli. Nuk është diçka që mund të bëhet brenda natës, ekziston dyshim i fortë se zyrtarët janë të përfshirë në skemën e korrupsionit”, tha Perez.
Ajo paralajmëroi se të arratisurit janë “shumë të rrezikshëm”, pasi shumica e tyre apo të paktën 75 prej tyre ishin anëtarë të organizatave kriminale braziliane dhe të karteleve të drogës “Komanda e Parë e Kryeqytetit” dhe “Komanda Vermelho”./arbresh.info/AA
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...